一、新年歌
初一早，初二巧，初三困到饱，初四顿顿饱，
初五隔开，初六挹肥，初七七元，初八原金，
初九天公生，初十有食食，十一请囝婿，
十二查某囝转来拜，十三食泔糜仔配芥菜，
十四结登棚，十五上元瞑，十六拆灯棚。
二、十二生肖相歌
一鼠贼仔名，二牛驶犁兄。
三虎爬山坪，四兔游东京。
五龙皇帝命，六蛇予人惊。
七马走兵营，八羊食草岭。
九猴爬树头，十鸡啼三声。
十一狗仔顾门埕，十二猪是菜刀命。
三、西北雨
西北雨，直直落。鲫仔鱼，欲娶某。
?代兄，拍锣鼓。媒人婆，土虱嫂。
日头暗，寻无路。赶紧来，火金姑。
做好心，来照路。西北雨，直直落。
西北雨，直直落。白鹭鸶，来赶路。
翻山岭，过溪河。寻无巢，跋一倒。
日头暗，欲怎好。土地公，土地婆。
做好心，来带路。西北雨，直直落。
四、ABCD
ABCD狗咬猪，阿公仔坐飞机，
摔一下冷吱吱，叫医生来共伊医，
医一下脚骨大细枝，医一下脚骨大细枝。
五、放鸡鸭
一放鸡，二放鸭，三分开，四相叠，五搭胸，
六拍手，七围墙，八摸鼻，九扭耳仔，十拾起，
来啊！来啊，放鸡鸭，鸡仔鸭仔，走相拍。
六、月光光
月娘月光光，老公仔伫菜园，
菜园掘松松，老公仔欲种葱，
葱无芽，欲种茶，茶无花，欲种瓜，
瓜无子，老公仔气甲欲死。
七、阿才
阿才阿才,天顶跋落来,
有嘴齿,无下颏,有眼睛,无肚脐,
叫医生,叫抹来, 叫师公,扛去埋.
八、阿妈的话
厝后一条溪，溪边一片地。
阿母想欲种菜头，阿爸想欲种西瓜。
阿母讲：菜头煮香香，呷饭有当配。
阿爸讲：西瓜甜甜汤阁济，会当提去卖。
两个抢抢滚，
阿妈才讲话：恁两个，?当花，彼片地，我欲留乎阮孙放风吹。
九、一礼拜
礼拜一，暗顿呷饱爱做息。
礼拜二，磨墨举笔练大字。
礼拜三，妈 妈叫我逗洗衫。
礼拜四，来去唱歌甲念诗。
礼拜五，爸爸带我去掘芋。
礼拜六，路边逗卖米台目。
礼拜日，归家出外来曝日。
十、剖一半
西瓜剖一半，红到乎人金金看。
频果剖一半，芳到乎人嘴阔阔。
菠萝剖一半，酸到乎人留嘴澜。【银翌】
本文来自：逍遥右脑记忆 http://www.jiyifa.net/youjiao/1241633.html
相关阅读：